Judul : PRU14: BN deka bebendar ngambi penuduk sitak Parlimen Sibu ari penyakal
link : PRU14: BN deka bebendar ngambi penuduk sitak Parlimen Sibu ari penyakal
PRU14: BN deka bebendar ngambi penuduk sitak Parlimen Sibu ari penyakal
SIBU: Barisan Nasional (BN) di Parlimen Sibu deka bebendar nyatup penyakal ngambi ulih ngerampas penuduk nya maya Pengawa Bepilih Besai (PRU) Ke-14 ti deka datai.
Taja pan baka nya, Chairman BN Parlimen Sibu Kunsilor Robert Lau Hui Yew madah, semua komponen BN iya nya Parti Pesaka Bumiputera Bersatu (PBB), Parti Sa’ati Rayat Sarawak (SUPP), Parti Progresif Demokratik (PDP) enggau Parti Rayat Sarawak (PRS) meseti bekempit dikena nentuka penuduk nya pulai ngagai BN.
“Ba Parlimen Sibu, kitai bisi tiga iti Kunsil Nengeri (DUN) iya nya Nangka, Pelawan enggau Bawang Assan.
“Ba penyakal, sida kering ba DUN Pelawan tang enti kitai beratika 40 peratus undi ngagai BN suba lalu dikalihka maya PRU14 tu, nyangka kitai ulih ngalahka penyakal laban DUN Nangka enggau Bawang Assan nyadi pengering parti BN.
“Iya ke beguna diatu iya nya kitai naka alah matak undi di DUN Pelawan kelimpah kitai ngetanka sukung rayat ba DUN Nangka enggau Bawang Assan,” pia ku iya bejaku maya Malam Penyerakup BN Parlimen Sibu ditu, hari Lima tu tadi.
Pengerami nya bela digulu dua iku Sekretari Politik Kepala Menteri iya nya Daniel Bujal enggau Michael Tiang kelimpah bala pemesai parti komponen BN di Parlimen Sibu.
Lau ti mega Chairman SUPP Pampang Bawang Assan madah, apin lama tu tadi iya bisi dikangau ngarika BN Parlimen Sibu ngulu woksop bekaul enggau pengawa napi PRU14 di Semenanjung Malaysia.
Maya woksop nya, ku iya, Menteri Besai tauka Chariman BN Datuk Seri Mohd Najib Tun Razak udah minta ngagai iya gawa bebendar ngambika penuduk Parlimen Sibu ba PRU14 tu diempu BN.
“Nya alai malam tu (hari Lima tadi), aku ngenataika pesan Najib ti minta kitai meseti bekerejasama napi PRU ti deka datai.
“Najib mega madah enti BN mujur ngalahka penyakal maya PRU tu, iya besemaya deka lebih agi ngemeratka pemansang di Sibu,” ku iya sambil madah penuduk Parlimen Sibu sebengkah penuduk ti dikemeratka BN.
Ba pengerami ke sebaka, Unit Bumiputera SUPP Pampang Bawang Assan enggau pemesai ari komponen BN ba Parlimen Sibu mantaika sukung sida ngagai Lau ngambika Lau ulih dikirai nyadi chalun BN bediri ba Parlimen Sibu maya PRU14 tu.
“Lau endang udah lama dikelala rayat ba Parlimen tu.
“Iya dikelala ketegal ti bagas sereta besemak enggau rayat ngelama tu.
“Nya alai iya engkeman dipilih BN nyadi chalun ngelaban penyakal bediri ba Parlimen Sibu,” pia ku jaku sukung sida.-Utusan Borneo Online
✍ Sumber Pautan : ☕ SARAWAKIANA
Kredit kepada pemilik laman asal dan sekira berminat untuk meneruskan bacaan sila klik link atau copy paste ke web server : http://ift.tt/2sdeVfV
(✿◠‿◠)✌ Mukah Pages : Pautan Viral Media Sensasi Tanpa Henti. Memuat-naik beraneka jenis artikel menarik setiap detik tanpa henti dari pelbagai sumber. Selamat membaca dan jangan lupa untuk 👍 Like & 💕 Share di media sosial anda!
Appear first on Sapa Malaysia
Demikianlah Artikel PRU14: BN deka bebendar ngambi penuduk sitak Parlimen Sibu ari penyakal
Sekianlah artikel PRU14: BN deka bebendar ngambi penuduk sitak Parlimen Sibu ari penyakal kali ini, mudah-mudahan bisa memberi manfaat untuk anda semua. baiklah, sampai jumpa di postingan artikel lainnya.
Anda sekarang membaca artikel PRU14: BN deka bebendar ngambi penuduk sitak Parlimen Sibu ari penyakal dengan alamat link https://sapamalaysia.blogspot.com/2017/06/pru14-bn-deka-bebendar-ngambi-penuduk.html